Útvarp 101 skapar afþreyingarefni á nýstárlegan hátt fyrir ungt fólk og miðlar því þvert á samfélags- og fjölmiðla. Framleiðsla á útvarpsþáttum um dægurmál, ítarleg umfjöllun af alls kyns toga og viðtöl bæði í máli og mynd. Markmið félagsins er að auka vægi og virðingu poppkúltúrs á Íslandi með því að fræða, skemmta og búa til rými fyrir ungt fólk og nýja tónlist í fjölmiðlaumhverfinu á Íslandi.

Stöðin einsetur sér að spila nýja, skemmtilega og framúrstefnulega tónlist þar sem áherslan er lögð á popptónlist og íslenska tónlist ásamt því að taka virkan þátt í nýsköpun á íslenskri popptónlist. Við viljum eiga í stöðugu samtali við hlustendur jafnt sem tónlistarmenn og vera fremst í flokki þegar kemur að listrænni stjórnun, tónlistarvali og menningarmiðlun. Við viljum vera stökkpallur fyrir næstu kynslóð tónlistarmanna og vera óhrædd við að gefa nýliðum tækifæri. Við viljum vera gagnrýnin en jafnframt hvetjandi og með því stuðlum við að sterkara, jafnara og skemmtilegra tónlistarlífi á Íslandi.