Ritstjóri tekur ákvörðun um efnistök miðlanna, oft í samvinnu við blaðamenn, og ber ábyrgð á því efni sem birtist í blaðinu og á fréttavef þess. Blaðamenn taka ekki við verkefnum frá öðrum en ritstjóra og faglegur aðskilnaður er á milli ritstjórnar og tekjuöflunardeildar.

Útgáfufélag miðlanna skal leitast við að ritstjórn fái við vinnu sína bestu aðstöðu sem hægt er að veita á hverjum tíma. Ritstjóri og blaðamenn skulu vera sjálfstæðir í störfum sínum. Áminning og uppsögn starfsmanns á ritstjórn blaðsins fer eftir ákvæðum kjarasamninga og þeim lögum sem í gildi eru á hverjum tíma.