Sexan stuttmyndakeppni er haldin fyrir öll í 7. bekk grunnskólum landsins í janúar 2024.
Fyrirkomulag Sexunnar er einfalt. Þátttakendur fá fræðslu í skólum og/eða félagsmiðstöðvum og fá tækifæri til að búa til og skila inn tilbúinni stuttmynd, hámark 3 mínútur að lengd. Viðfangsefni keppninnar eru fjórar birtingarmyndir stafræns ofbeldis:
- samþykki
- nektarmynd
- tæling
- slagsmál ungmenna
Auk þess er opinn flokkur fyrir allt það sem þér finnst mikilvægt að allir krakkar í 7. bekk viti um.
Þú getur sent inn mynd hér eða beðið kennarann þinn eða starfsfólk félagsmiðstöðvarinnar að gera það. Innsendingargáttin er opin frá 8. janúar til og með 28. janúar 2024.
Þátttakendur hafa frjálsar hendur með handritagerð, framkvæmd og eftirvinnslu. Hver skóli má senda að hámarki 3 myndir í keppnina en dómnefnd skipuð fulltrúum ungmennaráðs, RÚV, MMS og kvikmyndagerðar velur svo þrjár bestu stuttmyndirnar sem verða sýndar á vef UngRÚV í viku sex, kynfræðsluvikunni 5. til 9. febrúar 2024. Formaður dómnefndar 2024 er kvikmyndaleikstjórinn Baldvin Z.
Neyðarlínan, ríkislögreglustjóri, Reykjavíkurborg, fjölmiðlanefnd, Barna- og fjölskyldustofa, Jafnréttisstofa, Samband íslenskra sveitarfélaga og Menntamálastofnun standa fyrir átakinu og vilja með því vekja athygli á mikilvægi marka og samþykkis.
