Hlutverk Eyjafrétta

Eyjafréttir voru stofnaðar árið 1974, undir nafninu Fréttir, og hefur miðillinn tekið þátt í að rita sögu Vestmannaeyja í tæpa hálfa öld. Hlutverk miðilsins er því mjög mikið í sögulegu samhengi. Útgáfufélagið Eyjasýn rekur bæði vef- og prentútgáfu af Eyjafréttum. Vefurinn þjónustar lesendur frítt en áskrifendur eiga kost á meira efni og dýpri umfjöllunum.

Málefni

Blaðið skal leitast við að vera fræðandi og spyrja gagnrýninna spurninga. Það á að upplýsa lesendur sína um menn og málefni með því að skoða hinar ýmsu hliðar hverrar fréttar fyrir sig. Blaðið skal vera gagnrýnið á ríkjandi stjórnvöld og þjóna þannig lesendum og íbúum í að reyna að fá svör stjórnenda sveitarfélagsins við þeim málefnum sem brenna á bæjarbúum. Blaðið á ekki að láta sérhagsmuni fyrirtækja eða einstaklinga hafa áhrif á afstöðu þess til mála og ekki skal vera hægt að kaupa hug þess með auglýsingum eða fyrirgreiðslum. Blaðið þjónar fyrst og fremst vönduðum fréttaflutningi sem er þjónusta miðilsins við lesendur sína. Hlutverk þess, að skrá áfram sögu samfélagsins, skal vera starfsmönnum ofarlega í huga.

Eyjafréttir fjalla um mannlíf, menningu, íþróttir, atvinnulíf, umhverfi og stjórnmál, auk annarra mála sem snerta samfélagið og íbúa í Vestmannaeyjum með einum eða öðrum hætti.

Reglur um ritstjórnarlegt sjálfstæði